کاشت کاری و وسائلِ رزق

خواتین، مردوں اور بچوں کو کچن گارڈننگ سکھائی جائے گی۔ ہر گھر یا مقررہ اجتماعی جگہ پر سبزیاں، جڑی بوٹیاں اور روزمرہ استعمال کی فصلیں اگانے کا انتظام ہوگا۔

گندم اور دوسری ضروری فصلوں کی کاشت کے لیے دستیاب کھیت استعمال کیے جائیں گے۔ آب پاشی کے لیے نہری پانی اور ذاتی ٹیوب ویل سے فائدہ اٹھایا جائے گا۔

مرغیاں، خرگوش، بکریاں، بھیڑیں اور گائے پالی جائیں گی۔ اس سے دودھ، گوشت اور انڈوں کی مقامی ضرورت پوری کرنے میں مدد ملے گی۔ جانوروں کی نگہداشت اہلِ بستی کی عملی تربیت اور روزگار کا ذریعہ بھی ہوگی۔

خوراک کی تیاری میں قدرتی اور نامیاتی طریقوں کو ترجیح دی جائے گی۔ سبزیوں، اناج، دودھ اور دوسری مصنوعات کی صفائی، معیار اور صحت بخش پیداوار کا خیال رکھا جائے گا۔

بستی میں چھوٹی مشینری نصب کرکے زرعی اور نامیاتی مصنوعات تیار کی جائیں گی۔ ان مصنوعات کو بستی کی ضرورت پوری کرنے کے ساتھ بیرونی منڈی میں بھی فراہم کیا جاسکے گا۔ کچھ افراد ان منصوبوں میں ملازمت کریں گے، کچھ اپنی مہارت پیش کریں گے اور صاحبِ استطاعت افراد سرمایہ لگا کر کاروبار قائم کرسکیں گے۔

ہر رہائشی درخت اور پودے لگانے میں حصہ لے گا اور اپنے لگائے ہوئے درختوں کی نگہداشت کرے گا۔ پھل دار اور سایہ دار درخت بستی کی خوراک، خوب صورتی اور ماحول میں بہتری کا ذریعہ بنیں گے۔